Kalfadhigii 9-aad ee golaha Baarlamanka maamul goboleedka ximan iyo Xeeb ayaa maanta ka furmay magaalada Cadaado ee xarunta maamulka, kaasi oo looga doodayo ajandayaal dhawr ah.
Kulanka xubnaha Baarlamanka oo uu shir gudoominayay Gudoomiyaha golaha Baarlamanka Ximan iyo Xeeb C/llahi Faarax Sandheere ayaa waxaa hor yaala ka doodista qodobo quseeya siyaasadda maamulka ee gudaha, shaqooyinka wasaaradaha iyo shruucda doorashada madaxtinimo ee Ximan iyo Xeeb oo bilaha soo socda la qaban doono.
Sh Maxamuud C/llahi Xoghayaha 1-aad ee Baarlamanka maamul goboleedka Ximan iyo Xeeb ayaa xubnaha Baarlamanka u aqriyay ajandayaasha Baarlamanku maalmaha soo socda ka doodi doono.
Kalfadhigan sagaalaad ee Baarlamanka maamul goboleedka Ximan iyo Xeeb ayaa socon doona dhawrka maalmood ee inagu soo aadan, waxaana horyaala go’aan ka gaarista qodobada ay ka doodayaan.
Allsomalia.com/xafiiska Cadaado
