Ciidamada Xarakada Al, shabaab ayaa xalay saqdii dhexe weerar ku qaaday fariisimo ay Ciidamada Dowlada Somaliya iyo ku Amison ku leeyihiin duleedka magaalada Marka ee xarunta Sh/Hoose.
Sida ay sheegayaan Dad goob jogayaal ah dagaalka ayaa ka dhacay halka loo yaqaano Ceel Axmad ee dhanka Xeebta magaalada Marka, waxaana halkaasi fariisimo ku leh ciidamo Dowlada Somaliya iyo kuwa Amison gaar ahaan kuwa kasocda dowlada Uganda.
Madaafiicda iyo hubka culus ayaa la isku adeegsaday dagaalkaas oo soconayay mudo kooban, waxaana la ogeyn ilaa hadda khasaaraha rasmiga ah ee halkaas ka dhashtay
Saldhigga Ceel Axmad ayaa la kulmaya weerarkii ugu horeeyay markii dhawaantan ay halkaas soo dageen ciidamada Uganda oo garab siinaya kuwa Burundi.
